Kjo kompani do të testojë shpërndarjen e ushqimit me robotë

Uber është kompania më e fundit që po provon të shpërndajë ushqim në shtëpitë e njerëzve me robotë.

Kjo kompani, e cila ka pretenduar prej kohësh se automatizimi është çelësi për përfitimin e saj në të ardhmen, po lanson dy programe testimi, duke përfshirë robotë me katër rrota që ecin në trotuare për udhëtime të shkurtra, si dhe makina vetëdrejtuese për distanca më të gjata.

Klientëve të Uber Eats do t’u jepet mundësia që ushqimet e tyre t’i pranojnë nga një prej robotëve, në vend të një shpërndarjeje tradicionale njerëzore.

Klientët do të marrin udhëzime në aplikacionin Uber se si të marrin ushqimin e tyre nga brenda robotit.