Sport
Kombëtarja zvicerane: Përse shumica nuk këndon himnin
Pas ndeshjes kundër Argjentinës, e përditshmja „Le Matin“ vuri në pah një dukuri të veçantë te ekipi zviceran i futbollit. Ajo u tërhoqi vëmendjen lexuesve të saj, duke nënvizuar faktin se shumica e lojtarëve të ekipit nacional nuk kënduan himnin zviceran.
Që nga rreshtat e parë gazetari pohon: “Lojtarët e ekipit Squadra Azzurri këndojnë me zë të lartë. Futbollistët e ekipit të Nigerisë me grusht në zemër këndojnë himnin i tyre kombëtar. Anëtarët e ekipit kombëtar veçse nuk brohorisin këngën e tyre patriotike braziliane. Ndërsa ekipi i futbollit zviceran tregon shumë pak entuziazëm kur është fjala për të pëshpëritur himnin nacional. Ata që ishin para ekranit të mërkurën për të parë ndeshjen në mes të ekipit kombëtar (NATI) dhe asaj të Argjentinës mund të dëshmojnë se vetëm disa nga lojtarët e ekipit zviceran kënduan himnin, të tjerët preferuan të heshtin, duke lënë një heshtje, e cila i ka befasuar më shumë shikuesit”.
Analiza e një fenomeni të tillë shtyri kërkuesin të gjejë përgjigje pranë Jézael Fritsche, zyrtar për komunikim i Shoqatës Zvicerane të Futbollit, i cili thotë: “Ne nuk mund t’i detyrojmë lojtarët të këndojnë himnin kombëtar. Gjithkush vepron sipas bindjeve të veta. Edhe disa atletë, si shumica e zviceranëve, nuk e njohin këngën përtej strofës së parë. Mësimi i himnit nuk është detyrë e jona”. Por, prapëseprapë, Jézael Fritsche thekson se nëse lojtarët nuk këndojnë, është më shumë nga droja dhe nuk mund të merret kjo si mungesë patriotizmi. E qartë është se të gjithë lojtarët e ekipit kombëtar janë krenarë me veshjen e kombëtares zvicerane“.
Ndërsa Yvan Perrin (SCP/UDC) shpreh keqardhjen e tij për këtë situatë, duke mbrojtur lojtarët: “Por ne nuk mund të fajësojmë lojtarët e ekipit kombëtar. Shkolla nuk mëson më pothuajse asgjë, as himnin kombëtar, as vlerat që shkojnë me të”.
Megjithatë, pavarësisht analizës së bërë, trajtimi i kësaj teme shtron disa pyetje. A janë shqiptarët në prizmin e kësaj kritike, pasi që dihet se pesë lojëtarët e ekipit nacional janë shqiptarë. Aq më tepër kur fotoja për të pasqyruar këtë dukuri vë në pah katër lojtarë, prej tyre Mehmeti, Xhemajli, Xhaka e Shaqiri.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla