Kompania e Mark Zuckerbergut gjobitet për shkelje të privatësisë në internet

Me 390 milionë euro është gjobitur të mërkurën kompania Meta, nga Komisioni irlandez për Mbrojtjen e të Dhënave. Kompanja që përfshin rrjetet Facebook dhe Instagram u gjobit për shkelje të privatësisë në internet.

Me 390 milionë euro është gjobitur të mërkurën kompania Meta, nga Komisioni irlandez për Mbrojtjen e të Dhënave. Kompanja që përfshin rrjetet Facebook dhe Instagram u gjobit për shkelje të privatësisë në internet.

Po kështu autoriteti irlandez e ndaloi kompaninë që të detyrojë përdoruesit evropianë të pranojnë reklama të personalizuara bazuar në aktivitetin e tyre në internet, raporton euronews, përcjell Albinfo.ch.

Masa ndëshkimore mund të trondisë modelin e të bërit biznes të kompanisë Meta, sipas të cilit përdoruesve u serviren reklama bazuar në atë çka bëjnë në internet.

Mbikëqyrësi irlandez e gjobiti Meta-n me 210 milionë euro për shkelje të rregullave strikte të Bashkimit Europian lidhur me çështje të privatësisë që përfshijnë Facebook-un dhe me 180 milionë euro të tjera për shkelje në Instagram.

Kjo është masa më e fundit ndëshkimore e vendosur nga ky komision ndaj kompanisë Meta, pas katër gjobave të mëparshme, që nga viti 2021 që arrijnë në vlerën e mbi 900 milionë eurove.

Vendimi rrjedh nga ankesat e depozituara në maj 2018, me hyrjen në fuqi të rregullave të privatësisë së 27 vendeve të BE-së, të njohura si Rregullorja e Përgjithshme e Mbrojtjes së të Dhënave./Albinfo.ch

---