Lajme
Komuniteti Shqiptar i Bashkësisë Islame në Austri e quan të turpshëm aktin e sulmit në Vjenë
“Një akt i tillë është i turpshëm dhe i papranueshëm nga kushdoqoftë, pa dallime nacionale, fetare e ideologjike”.
Komuniteti Shqiptar i Bashkësisë Islame në Austri (ALKIG) ka dënuar aktin e mbrëmshëm terrorist në Vjenë të Austrisë, ku mbetën të vrarë 4 persona të pafajshëm, në mesin e tyre edhe një shqiptar 21-vjeçar.
“Njëherësh shprehim ngushëllimet më të thella për familjarët e viktimave, Zoti u ndihmoftë për ta kaluar këtë dhimbje, e cila asnjëherë nuk do të harrohet. Po ashtu lutemi që të plagosurit dhe të lënduarit sa më shpejt të shërohen”, thuhet në komunikatë, raporton Albinfo Austria.
Më tej shkruhet në komunikatë se në kohën kur ne po luftojmë me pandeminë të na shtohet edhe një brengë e tillë është jashtë çdo logjike, jashtë njerëzore, jodemokratike, e mbi të gjitha joislame.
“Një akt i tillë është i turpshëm dhe i papranueshëm nga kushdoqoftë, pa dallime nacionale, fetare e ideologjike”.
Në vazhdim të komunikatës Komuniteti Shqiptar i Bashkësisë Islame në Austri është i informuar nga mediat se sulmuesi ka rrënjë shqiptare dhe, sipas informatave të tyre, që kanë sulmuesi nuk ka frekuentuar në xhamitë e tyre.
“Ne jemi thellë të prekur me këtë sulm makabër, ngase si shqiptarë respektojmë vlerat njerëzore, demokratike dhe fetare dhe jemi tolerantë, ngase jo vetëm në diasporë, por edhe në vendet tona bashkëjetojmë me kultura dhe fe të ndryshme”, përfundon komunikata nga ALKIG (Albanische Kultursgemeinde).
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?