Konfirmohet se turistët ishin gjermanë, 11 burra dhe 17 gra

Foto: Twitter

Aksidenti në Madeira të Portugalisë ka tronditur Evropën. Bëhet fjalë për vdekjen e të paktën 28 turistëve, të cilët sipas të dhënave të para janë të gjithë gjermanë. Kjo është konfirmuar nga mediat gjermane, por edhe ato zvicerane.

Tragjedia rrugore ka ndodhur ne lokalitetin Quinta Splendita në Portugali, përcjell albinfo.ch.

Grupi me 55 turistë, shoqëruesi dhe shoferi ndodheshin në një hotel në Santa Cruz dhe do të transferoheshin në Funchal po në ishullin e Madeirës.

Nga të dhënat e para mësohet se shoferi ka humbur kontrollin e mjetit dhe më pas autobusi ka përfunduar sipër një shtëpie anës rrugës.

Deri tani është konfirmuar vdekja e 11 burrave dhe 17 grave, por bilanci mund të rritet pasi ka shumë të plagosur që janë në gjendje të rëndë.

Disa media kanë raportuar se numri i të vdekurve ka shkuar në 29.

#Portugal #Breaking Tourist bus crash kills 28 in #Madeira Island. #Caniço Mayor confirms death toll. pic.twitter.com/xhMbURKGI7

— José Miguel Sardo (@jmsardo) April 17, 2019