Lajme
Kongresi certifikon Bidenin, konfirmohet president i ri i SHBA-së
Mediat amerikane shkruajnë se Joe Biden është konfirmuar si president i ri i SHBA-së. Certifikimi i votave elektorale është bërë në orët e hershme të së enjtes në Kongres nga Dhomat e Përfaqësuesve dhe Senati, me vonesa që erdhën si pasojë e trazirave në Kongres, përcjell albinfo.ch.
Duhet theksuar se Bidenit i janë certifikuar 306 vota elektorale, karshi 232 sa i janë certifikuar Donald Trumpit.
Nga ana tjetër, Kamala Harris është konfirmuar zëvendëspresidente nga Kongresi.
Gjatë të mërkurës protestuesit pro-Trump u futën në godinën e Kongresit në Washington, ndërsa në këto trazira janë regjistruar katër të vdekur, prej tyre një që ka marrë plagë në gjoks me armë zjarri. Janë arrestuar 52 persona, ndërsa janë regjistruar disa të lënduar nga radhët e forcave të rendit.
Procesi u vonua edhe pas ankesës së republikanëve ndaj rezultatit zgjedhor në Pennsylvania, ku fitues është Joe Biden.
Bideni 78-vjeçar është presidenti i 46-të i SHBA-së. Ai i ka fituar zgjedhjet në SHBA të mbajtura më 3 nëntor, ndonëse Donald Trump vazhdimisht i ka kundërshtuar rezultatet, duke aluduar në mashtrime në vota dhe vjedhje të fitores së tij.
Biden, pas sulmit kishte bërë thirrje për qetësi dhe kishte thënë se demokracia e SHBA-së është nën sulm të paprecedent. Ai kërkoi nga Trump që t’u adresohet protestuesve dhe t’u thotë të shpërndahen.
Inaugurimi i Bidenit do të bëhet më 20 janar.
Ndërkohë, Dhoma e Përfaqësuesve refuzon kundërshtimin e republikanëve ndaj rezultatit zgjedhor në Pennsylvania.
Dhoma e Përfaqësuesve ka votuar për ta hedhur poshtë refuzimin e kundërshtimit të kongresistëve republikanë dhe disa prej senatorëve republikanë, ndaj certifikimit të rezultatit zgjedhor në Pennsylvania, ku Joe Biden ka fituar.
Në Dhomën e Përfaqësuesve u votua 282:138 kundër kërkesës së republikanëve që të mos certifikohet rezultati zgjedhor në Pennsylvania.
Në Senat po ashtu u refuzua me 92:7.
Dhoma e Përfaqësuesve dhe Senati tash do të vazhdojnë seancën e përbashkët për të numëruar dhe certifikuar votat e mbetura të kolegjit elektoral. Ka mbetur edhe 12 shtete për t’u certifikuar. Joe Biden po kryeson me vota të certifikuara, 244:157 dhe po pritet të certifikohet fitorja e tij.
Të ngjashme
Të tjera nga Lajme
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën