Kosova 1 pikë larg historisë

Kosovës i mjafton një barazim ndaj Azerbajxhanit të martën në Prishtinë

Me fitore 0:5 si mysafir ndaj Maltës, kombëtarja e Kosovës në Futboll e ka forcuar pozitën e parë në grupin e 3-të të Ligës D në kuadër të ligës së Kombeve, njofton Albinfo.ch.

Në ndeshjen e fundit dhe vendimtare që do të zhvillohet pas katër ditësh në stadiumin “Fadil Vokrri” në Prishtinë, Kosovës do t’i nevojitej vetëm edhe një barazim kundër konkurrentit të drejtpërdrejtë Azerbajxhanit, për t’i vazhduar më pas garat e Play-offit për në Kampionatin Evropian në vitin 2020.

Pesë gola për Kosovën i shënuan Vedat Muriqi, Benjamin Kololli, dy gola Edonis Avdijaj dhe golin e pestë e shënoi Milot Rashica.

Për Kosovën debutoi edhe sulmuesi Shkëlqim Demhasaj, i cili vjen nga Luzerni nga Super Liga e Zvicrës.

---