Kosova në vendin e 82-të, Zvicra në të katërtin për nga fuqia e pasaportës

Indeksi i Pasaportave ka renditur pasaportat më të fuqishme në botë për vitin 2018.

Emiratet e Bashkuara Arabe janë vendi me pasaportën më të fuqishme në botë dhe sipas indeksit ata të cilët posedojnë një pasaportë të tillë mund të udhëtojnë në 167 vende të botës pa viza.

Sipas indeksit online, Singapori dhe Gjermania renditën në vendin e dytë, Danimarka në të tretin.

Vendin e katërt e zë Zvicra, së bashku me disa shtete të tjera, me pasaportën e të cilës mund të udhëtosh në 164 vende, përcjell albinfo.ch.

Indeksi i Pasaportave ka renditur pasaportat e 193 vendeve anëtare të Kombeve të Bashkuara dhe gjashtë territoreve shtesë, tek të cilat hynë edhe vendet e Ballkanit, Kosova zë vendin 82, Shqipëria 43, Bosnjë e Hercegovina 41, Mali i Zi 38, Maqedonia 37 dhe Serbia 32.