Kosova nuk kandidon as për UNESCO

Pasi nuk kishte aplikuar në Interpol, Kosova nuk do të kandidojë për t’u pranuar as në UNESCO

Tashmë është edhe zyrtare. Kosova nuk do të aplikojë për t’u pranuar në UNESCO, shkruan albinfo.ch.

Ndërkohë, për këtë është munduar të arsyetohet Ministria e Punëve të Jashtme.

“Kosova deri më tash është anëtarësuar në mbi gjashtëdhjetë Organizata rajonale, kontinetale dhe globale dhe secili veprim i aplikimit, procedurave apo procesit të anëtarësimit bëhet në koordinim të plotë dhe të ngushtë me aleatët strategjik dhe historikë të Kosovës, respektivisht Shtetet e Bashkuara të Amerikës dhe Bashkimin Evropian.

Kosova është aleate e perëndimit dhe kjo aleancë është e përjetshme dhe e pakthyeshme.

Shtyrja pragmatike e anëtarësimit të Kosovës në Interpol dhe UNESCO është e mbështetur në koordinimin e plotë dhe të ngushtë me SHBA-të dhe vendet e tjera të Kuintit”, thuhet në komunikatë.