Kosova pret talentin e Barcelonës

Labinot Kabashi 16-vjeçar, me rrënjë nga fshati Polac i Skenderajt, që 6 vite është pjesë e Barcelonës. Talenti kosovar është pjesë e grupmoshës deri 16 vjet e Barcelonës

Krerët e Federatës së Futbollit të Kosovës (FFK) janë takuar me talentin shqiptar të futbollit, Labinot Kabashin, shkruan albinfo.ch.

Talenti kosovar që është pjesë e grupmoshës deri 16 vjet e Barcelonës është pritur nga kryetari i FFK-së, Fadil Vokrri, sekretari i përgjithshëm Eroll Salihu, përzgjedhësi Kosovës, Albert Bunjaki dhe trajneri Muharrem Sahiti.

Sipas njoftimit nga FFK-ja, Vokrri ka inkurajuar Kabashin që të vazhdojë të luajë për Barcelonën dhe një ditë t’i ndihmojë edhe Kosovës. “Për futbollistë si Labinoti ka nevojë shumë Kosova”, ka thënë Vokrri.

Kabashi 16-vjeçar, me rrënjë nga fshati Polac i Skenderajt, që 6 vite është pjesë e Barcelonës.