Kosovë: Interesim i madh i serbëve për t’u pajisur me pasaporta

Për 3 muaj, 531 serbë të 4 komunave veriore të Kosovës aplikuan për pasaporta të Kosovës. Të dhënat janë bërë të ditura nga Ministria e Brendshme e Kosovës për televizionin publik të Kosovës.

Ndërsa Qeveria e Kosovës ka nisur fushatën vetëdijësuese në 4 komunat në veri të Kosovës për procesin e liberalizimit të vizave. Nga Qeveria thonë se interesimi i qytetarëve për t’u informuar rreth këtij procesi nuk po mungon as në komunat veriore, përcjell albinfo.ch.

“Fushata është gati në përfundim. I kemi komunat veriore, pastaj Istogun dhe do ta përmbyllim në Prishtinë të premten. Sot po shihet që ka interesim të qytetarëve rreth procesit të liberalizimit të vizave, kryesisht janë të komunitetit serb, por ka edhe shqiptarë”, tha Gzim Dushi mnga Qeveria e Kosovës.