Kosova
Krerët shtetërorë të Kosovës, homazhe në Prekaz
Në ditët e Epopesë së Ushtrisë Çlirimtare të Kosovës krerët shtetërorë kanë bërë homazhe në Prekaz.
Presidentja e Kosovës, Vjosa Osmani, kryeministri Albin Kurti e Kryekuvendari Glauk Konjufca kanë nderuar Familjen Jashari në kompleksin memorial “Adem Jashari” në Prekaz.
Homazhet e tyre u udhëhoqën nga komandanti i Forcës së Sigurisë së Kosovës, Bashkim Jashari, ku ata vendosën kurora lulesh panë varreve të Jasharajve.
Homzhe në Prekaz bënë edhe kryetari i Partisë Demokratike të Kosovës, Memli Krasniqi, që tha se datat 5,6 dhe 7 janë më të rëndësishme. “Datat 5,6 dhe 7 mars shënojnë ditët kur ka lindur liria e Kosovës dhe qytetarëve tanë si çdo shqiptar tjetër e konsiderojmë obligim për të ardhur këtu në Prekazin e lavdisë së familjes Jashari për të treguar respektin tonë të përjetshëm, vlerësimin e pafundmë për sakrificën e tyre titanike e cila i dha drejtim luftës çlirimtare të UÇK që mundësoi edhe masovizimin e radhëve të UÇK-së por edhe rrugën e çlirimit për ta gëzuar lirinë që e kemi sot”, u shpreh Krasniqi, përcjell albinfo.ch.
Edhe kreu i Lidhjes Demokratike të Kosovës ka nderuar Familjen Jashari, duke cilësuar datat e epopesë si kthesë e historisë së Kosovës. “Sot nderojmë 25 vjetorin e Epopesë së UÇK-së, nderojmë datat 5,6 dhe 7 mars të vitit 1998 ku në këtë tempull të sotëm ranë heroikisht familja Jashari, komandanti legjendar Adem Jashari dhe në këtë rënie të tyre lindi edhe përpjekja jonë finale për liri, për shtet dhe për pavarësi. Mbi sakrificën sublime të komandantit Adem Jashari, familjes Jashari dhe gjithë të rënëve të tjerë të Ushtrisë Çlirimtare të Kosovës qëndron edhe rrugëtimi jonë i ardhshëm për një shtet të barabartë në mes të vendeve evropiane dhe këtë rrugë në këtë ditë duhet ta kujtojmë gjithnjë edhe si shenjë uniteti të brendshëm por edhe si përpjekje të pashtershme të popullit tonë”, ka deklaruar nga Prekazi, Lumir Abdixhiku, përcjell albinfo.ch.
Në ditën e dytë të Epopesë së UÇK-së edhe Kuvendi i Kosovës do mbajë seancë ceremoniale e fjalime do të mbajnë të tre krerët shtetërorë.
Të ngjashme
Të tjera nga Kosova
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Mbi 60 trena shtesë drejt Ticinos gjatë fundjavave në maj Ashtu siç bëri për festat e Pashkëve, kompania kombëtare hekurudhore, SBB, do të vërë në shërbim...
-
Pagat zvicerane rriten, por “u zbehën” nga inflacioni
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie