Kriza energjetike, komiteti i krijuar nga ME del me rekomandime

Ky komitet ka për qëllim hartimin e rekomandimeve për minimizimin e pasojave nga kriza energjetike.

Pas situatës së krijuar me energjinë elektrike, ministrja e Ekonomisë, Artane Rizvanolli ka marrë vendim për themelimin e Komitetit Teknik Emergjent, pjesë e të ciilit do të jenë përfaqësues të të gjithë institucioneve relevante të energjisë.

Ky komitet ka për qëllim hartimin e rekomandimeve për minimizimin e pasojave nga kriza energjetike, raporton Albinfo.ch.

Komiteti ka mbajtur mbledhjen e parë ku ka rekomanduar që me qëllim të mbulimit të konsumit për situatën e krijuar me energji, KEK-u t’i ofrojë KEDS-it energjinë e siguruar, sipas kushteve të parashikuara në Marrëveshjen për Furnizim me Shumicë MFSH.

Komiteti Teknik Emergjent, siç njofto  Ministria e Ekonomisë, përbëhet nga përfaqësuesit e Ministrisë së Ekonomisë, Ministria e Industrisë, Ministria e Punëve të Brendshme, Zyra e Rregullatorit për Energji (ZRRE), Komisioni i Pavarur për Miniera dhe Minerale (KPMM), Autoriteti Kosovar i Konkurrencës, Korporata Energjetike e Kosovës (KEK), Operatori i Sistemit të Transmisionit dhe Tregut (KOSTT), Operatori i Sistemit të Distribucionit (KEDS), Furnizuesi i Shërbimit Universal (KESCO)./Albinfo.ch/

---