Kryeministri grek merr përgjegjësinë për zjarret në Athinë

Pas zjarreve të cilat kapluan Athinën kryeministri grek ka marrë përgjegjësinë.

Kryeministri grek Alexis Tsipras ka thënë se e merr përgjegjësinë e plotë politike për zjarrin shkatërrues që ka vrarë të paktën 87 persona në hapësirat pranë Athinës, shkruan REL, përcjell Albinfo.ch.

“Ju kam thirrur këtu sot para së gjithash të marrë përgjegjësinë e plotë politike për këtë tragjedi, para kabinetit tim dhe popullit grek”, u tha ministrave, Tsipras.

Qeveria greke ka një plan kombëtar për të trajtuar shkeljet në ndërtime, tha ai, duke shtuar se ka indikacione se zjarri ishte vënë nga dikush.

Ditëve të fundit, Athina është kapluar nga zjarret nga ku 87 persona kanë vdekur e shumë të tjerë janë lënduar.