Kthehen nga shtetet e tjera 39 qytetarë të Kosovës

39 qytetarë të Kosovës do të vendosen në karantinë për 14 ditë

Është bërë e ditur se sot herët në mëngjes janë kthyer në atdhe 39 qytetarë të Kosovës, të ngujuar jashtë; fëmijë, të moshuar, gra e burra.

Kthimi i qytetarëve të evidentuar nga ambasadat e Kosovës jashtë, në mënyrë të kujdesshme, të organizuar e pa rrezik për qytetarët këtu – do të vazhdojë.

Qytetarët e ngujuar jashtë, që në urgjencë duan të kthehen në Kosovë, duhet të vazhdojnë të kontaktojnë ambasadat tona. Secili i kthyer do të vendoset në konvikte për 14 ditë.

Ndërsa Komiteti Olimpik i Kosovës, në bashkëpunim me ministren për Kulturë, Rini e Sport, Vlora Dumoshi, të ndihmuar nga zëvendëskryeministri Abdullah Hoti dhe ministri i Infrastrukturës dhe Transportit, Lumir Abdixhiku, gjatë ditës së djeshme kanë shqyrtuar opsione të ndryshme për kthimin e delegacionit të boksit nga Londra në Prishtinë.

Zgjidhja është gjetur falë humanitetit të ish-zëvendëskryeministrit të Kosovës, Behxhet Pacolli, i cili ka ndërmjetësuar me zyrtarët në Londër, konkretisht ish-ministrin të Jashtëm të Britanisë së Madhe, Sir Alan Duncan, sot aeroplani privat i tij ka marrë delegacionin e boksierëve, të cilët janë nisur për në Prishtinë.

Komiteti Olimpik i Kosovës, MKRS dhe Qeveria i janë mirënjohës veprimit të ish-ministrit të Jashtëm, Behgjet Pacolli, i cili edhe një herë shprehu gatishmërinë e tij që t’u dalë në ndihmë sportistëve të Kosovës.

 

 

 

 

 

 

---