Kuka: Ditë e madhe për sportin e Kosovës

Xhudistja nga Peja ka triumfuar në garën për medaljen e bronztë në Japoni.

Majlinda Kelmendi ia ka sjellë medaljen e dytë Kosovës nga Kampionati Botëror që po mbahet në Japoni.

Xhudistja nga Peja ka triumfuar në garën për medaljen e bronztë në Japoni.

E pas suksesit të Majlindës, trajneri i saj, Driton Kuka, ka thënë se kjo ditë është e mrekullueshmi për sportin kosovar dhe mbarë popullin shqiptar.

“Ditë e mrekullueshme për sportin e Kosovës dhe mbarë popullin shqiptar kudo që gjendet! Medalja e dytë vjen nga Botërori në Tokio! 8 minuta tempo e çmendur e Majlindes në gjysmëfinale kundër japonezes së dytë që u takua sot nuk mjaftuan që japonezes që krejt kohën i iku luftës të penalizohet për herë të tretë që do sillte fitoren! Majlinda fiton medaljen e tretë në Kampionate Botërore! Krenaria ime po rritet me ju, nxëneësit e mi! Çdo minutë të punës time me ju e paçit hallall tërë jetën!”, ka shkruar Kuka.

Kujtojmë që ditën e djeshme medalje Kosovës i solli edhe Distria Krasniqi, e cila gjithashtu fitoi të bronztën.

---