Kundër iniciativës “Për banim të sigurt në pleqëri”

Iniciativa synon që pensionistët të cilët kanë në pronësi objekte banimi, të mos detyrohen më që të paguajnë tatim mbi pronën e tyre

Dhoma e Kantoneve e Parlamentit Nacional të Zvicrës ka hedhur poshtë iniciativën “Për banim të sigurt në pleqëri”. Iniciativa në fjalë synon që pensionistët të cilët kanë në pronësi objekte banimi, të mos detyrohen më që të paguajnë tatim mbi pronën e tyre.

Ata po ashtu sipas iniciativës së përmendur nuk do të kishin të drejtë për tërheqje nga tatimi të shpenzimeve për mirëmbajtjen e objektit të banimit. 

Duke refuzuar këtë iniciativë, Dhoma e kantoneve është shprehur se rregulli për tatimin e banesave duhet të vlejë për të gjithë njësoj dhe në këtë drejtim nuk duhet të bëjnë përjashtim as pensionistët.

Për këtë arsye, kjo dhomë do të hedhë në propozim një kundëriniciativë indirekte.