Lajme

Rikthehet futbolli në Shqipëri

Shqipëria ka marrë vendimin final për rifillimin e kampionatit.

Ka rënë poshtë opsioni për rifillimin e kampionatit më 31 maj.

Menjëherë pas mbledhjes së sotme të drejtuesve të 10 klubeve të Superiores me FSHF-në, është vendosur që kampionati të rinisë në 3 qershor.

Mësohet se duke parë kushtet në të cilat ndodhet Shqipëria dhe argumenteve jo bindëse për të mos e filluar kampionatin, FSHF, ka qenë e detyruar për të bërë gjithçka për ta rinisur.

Shumica e klubeve të Superiores, nuk donin që kampionati të vazhdonte, duke parë edhe kushtet e pafavorshme, por në fund është rënë dakord që gara të vazhdojë.

Mediat shqiptare njoftojnë se në rast se nuk të zhvillohej kampionati, atëherë UEFA mund të skualifikonte për këtë sezon, ekipet shqiptare nga pjesmarrja në Kupat e Evropës, përcjell albinfo.ch.

Nëse do të ndodhte kjo atëherë do të kishte një kolaps të vërtëtë financiar.