Lajme
Kur kryetari i Winterthur-it flet befas shqip për Krishtlindje
Kryebashkiaku përsërit të njëjtin tekst në shqip, spanjisht, ukrainisht etj. Është Inteligjenca artificiale ajo që e bën këtë të mundur
Kryebashkiaku i Winterthur-it, qytetit të gjashtë më të madh të Zvicrës, Michael Künzle, njihet për afërsinë e tij me qytetarët. Ai tani po e vërteton sërish këtë duke folur në gjuhët e popullatës që qytetit, transmeton albinfo.ch.
Kryetarët e bashkive, presidentët e qyteteve dhe krerët e shteteve në mbarë botën pëlqejnë të mbajnë një fjalim publik në fund të vitit. Kryebashkiaku i Winterthur, Michael Künzle, ka mbajtur këtë fjalim: “Të dashur banorë të Winterthurit. Viti po përfundon, ne kemi përjetuar shumë: Gjëra të bukura, dhe më pak të bukura. Dhe vitin e ardhshëm do të kemi sfida të tjera”, vijon fjalimi i tij fillimisht joorigjinal i Vitit të Ri në Instagram, shkruan gazeta e këtij qyteti, Landbote.
“Por ne do ta trajtojmë këtë me guxim, do ta kapërcejmë dhe kështu pres me kënaqësi vitin e ardhshëm”. Së fundi, në emër të Këshillit Bashkiak të Winterthur-it, ai u uron të gjithëve një sezon të mbarë pushimesh dhe gjithë të mirat.
Ajo që vjen më pas është qesharake, e veçantë dhe e jashtëzakonshme. Kryebashkiaku përsërit të njëjtin tekst në shqip, spanjisht, ukrainisht, turqisht, anglisht e deri në finlandisht, transmeton albinfo.ch. Shqiptimi i tij në gjuhët përkatëse është “i përsosur”, shkruan gazeta. Por, sipas saj, është Inteligjenca artificiale ajo që e bën këtë të mundur, siç zbulon faqja e internetiti e qytetit të Winterthur-it në tekstin e artikullit.
“Winterthuri nuk është vetëm shtëpia e shumë njerëzve dhe kulturave të ndryshme, por edhe një qytet modern dhe progresiv. Duke pasur këtë në mendje: Gëzuar Krishtlindjet, Hyvää joulua, Feliz Navidad dhe Щасливого Різдва”, pasojnë urimet ekryebashkiakut, në gjuhët përkatëse.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?