Kosova

Kurti për BBC tregon kushtet për tërheqjen e njësive speciale nga veriu dhe mbajtjen e zgjedhjeve

Në një intervistë për mediumin britanik BBC kryeministri i Kosovës Albin Kurti ka folur për zhvillimet në veri të Kosovës dhe kërkesat e ndërkombëtarëve për tërheqjen e njësive special nga veriu e krijimin e kushteve për mbajtjen e zgjedhjeve të reja atje. Ai është shprehur i gatshëm të tërheqë njësinë speciale por vetëm me një kusht.

“Në këto ndërtesa ne mund të reduktojmë praninë policore por së pari grupet e dhunshme të cilat atakuan Policinë tonë, KFOR-in dhe gazetarët duhet të kthehen në Serbi ose të shkojnë në burg”, theksoi Kurti, transmeton albinfo.ch.

Ndërsa sa i përket zgjedhjeve, Kurti tha se paraprakisht ka nevojë për sundim të ligjit.

“Jam i gatshëm të dëgjoj propozimet për zgjedhje të reja pasi të vendosim sundimin e ligjit”, tha ai.

Kur foli për presidentin serb Aleksandër Vuçiq, Kurti iu referua atij si autokrat i cili nuk i lejon serbët e Ksoovës të kenë më shumë se një parti.