Lideri i VV-së, Kurti: T’i ‘korrigjohet’ pasuria presidentit Thaçi

Lideri i Lëvizjes Vetëvendosjes, Albin Kurti, përmes një shkrimi në rrjetet sociale ka  kujtuar  marrëveshjen Thaçi-Vujanoviq për demarkimin e kufirit me Malin e Zi, për të cilin ai thotë se Kosova ka humbur territor. Kurti ka shkruar se deputetët që ratifikuan demarkacionin më 21 mars 2018 janë mashtruar, përcjell albinfo.ch.

“Në vend të përmbushjes së premtimit, i njëjti njeri nisi me premtimin për korrigjim kufiri edhe me Serbinë. ‘Korrigjimet’ e njeriut më të gabuar që ka Kosova janë veçse gabime të reja. Një qeveri e re e Kosovës duhet ta mundësojë korrigjimin e pasurisë së tij”, ka shkruar ai.