Deputetja e Partisë Demokratikë të Kosovës, Eliza Hoxha, ka deklaruar se anëtarët e Komisionit për arsim, të mbështetur edhe nga deputetë të tjerë të opozitës, kanë inicuar këtë seancë të jashtëzakonshme, teksa me kritika për qeverinë, ajo u shpreh se Kuvendi duhet të ndërpresë pushimin dhe t’i kthehet punës, e të diskutojë mbi përgjegjësinë e qeverisë për, siç tha ajo, këtë dështim të pashembullt në përmbushjen e mandatit kushtetues e ligjor të saj, shkruan albinfo.ch.

Ndryshe, javë më parë, Ministria e Arsimit, Shkencës, Teknologjisë dhe Inovacionit, me ministren Arbërie Nagavci në krye, ka vendosur që këtë vit prindërit t’i blejnë tekstet shkollore dhe qeveria t’u ndajë atyre mjetet e nevojshme.