Ky është profesioni më i paguar në Maqedoni

Më të paguarit në Maqedoni janë programerët

Pagat më të larta në Maqedoninë Veriore i marrin programuesit e kompjuterëve, një profesion që ka qenë prej kohësh në listën e më të paguarve në vend.

Paga mesatare në tetor ishte rreth 1.000 euro ose mesatarisht 60.899 denarë – sipas të dhënave nga Zyra e Statistikave Shtetërore.

E dyta në listën e pesë profesioneve më të paguara janë farmacistët, të cilët në tetor morën mesatarisht 46,713 denarë pagë neto.

Në vijim janë të punësuarit në aviacion me 45.683 denarë për muajin tetor, pasuar nga punonjësit në shërbime financiare me 44.340 denarë dhe të fundit nga pesë të parët janë punonjësit në sektorin e telekomunikacionit me pagë 40,153 denarë, përcjell albinfo.ch.

---