Legjenda angleze lavdëron Shaqirin

Legjenda e futbollit anglez, Gary Lineker, ka thënë se goli i yllit shqiptar ishte një ‘perle e madhe’

Xherdan Shaqiri shënoi një super gol në ndeshjen e fundit kundër Hull Cityt. Goli i tij ka marrë shumë vlerësime pozitive, shkruan ‘Blick’.

“Ishte një gol i madh nga Shaqiri”, ka thënë trajneri i tij, Mark Hughes, përcjell albinfo.ch.

Legjenda e futbollit anglez, Gary Lineker, ka thënë se goli i yllit shqiptar ishte një ‘perle e madhe’.

Shaqiri është shumë i lumtur me golin dhe me fitoren. “Ishte një gol shumë i bukur. Ne jemi profesionistë dhe gjatë gjithë javës kemi punuar për suksese të tilla. Por, më e rëndësishmja është fitorja”, ka thënë futbollisti i lindur në Zhegër të Gjilanit.

Shaqiri ka vazhduar: “Unë kurrë nuk do ta harroj këtë portë. Topi shkon në rrjetë. Kjo është që ne futbollistët e duam”.

Ai ka folur edhe për lëndimin që e la jashtë fushës për dy muaj. “Çdo njëri është i ftrustruar kur është i lënduar. Askush nuk dëshiron të jetë jashtë fushës”, ka theksuar ndër të tjera Shaqiri.