Lokarno: Alain Delonit, çmimi për vepër jetësore

Delon me shaka tha se çmimet e tilla u ndahen njerëzve që janë “me një këmbë në varr

Në Festivalin e Filmit që ka filluar të mërkurën në Lokarno, aktorit të njohur francez Alain Delon i është dhënë çmimi për vepër jetësore. nën brohoritjet e mijëra shikuesve në Piazza Grande, Delon 76 vjeçar është ngjitur në skenë për të marrë këtë çmim të rëndësishëm.

Duke iu drejtuar publikut, Delon me shaka tha se çmimet e tilla u ndahen njerëzve që janë “me një këmbë në varr”. Por, ai premtoi se nuk e kishte ndërmend të vdiste kaq shpejtë për arsye se dëshiron që edhe për një kohë të mërzisë edhe disa njerëz.

Duke folur për sekretin e suksesit të tij, Delon ka thënë se ai është i thjeshtë. Kur ai ka filluar me aktrim, atë e kishin zgjedhur regjisorë të mirë. Ndërsa më vonë, kur ai ka bërë emër, ka zgjedhur vetë regjisorët e mirë.