Lozanë: “Luanesha” e supozuar duket të jetë një qen endacak

Sipas veterinarit, gjurmët nuk përputhen me ato të luaneshës ose të ndonjë kafshe tjetër të familjes së maceve të egra, por me gjurmët e një qeni endacak

Policia e Vaud-it i ka dhënë fund kërkimit për një luaneshë të supozuar, në zonën e Lozanës. Shërbimet e urgjencës kanë analizuar gjurmët, por nuk mundën ta identifikonin kafshën, thotë policia, transmeton albinfo.ch.

Veterinari i kantonit, mbrojtësit e kafshëve të egra dhe policia kanë gjetur gjurmë putrash pranë vendit ku thuhet se ka qëndruar kafsha e raportuar. Sipas veterinarit kantonal, këto gjurmë nuk përputheshin me ato të luaneshës ose të ndonjë kafshe tjetër të familjes së maceve të egra, por me gjurmët një qeni endacak.

Një grua kishte raportuar të enjten se kishte parë një luaneshë në kopshtin e saj. Raporti shkaktoi një operacion në shkallë të gjerë nga policia.

Siç ka shkruar tashmë albinfo.ch, Policia Kantonale e Vaudit kishte paralajmëruar të enjten pasdite për një luaneshë që thuhet të jetë parë në komunën Epalinges VD pranë Lozanës. Policia kontrolloi të gjithë rajonin së bashku me rojtarët e shtazëve të egra, veterinarët kantonalë dhe madje edhe me mbështetjen e ushtrisë. Pa sukses. Ajo që duhet thënë me këtë rast: këtu nuk kemi të bëjmë me një shaka të 1 prillit!

---