Kriza në Ukrainë
Lufta në Ukrainë shkakton shpërthim të çmimit të gazit për familjet zvicerane
Furnizuesi "Energie 360°" (ish Erdgas Zürich), ka rritur çmimin për 84 për qind brenda gjashtë muajve, sipas gjendjes së 1 prillit
Zvicra, pothuajse gjysmën e gazit të saj, e siguron nga Rusia. Dhe Rusia ka njoftuar këtë javë se do të ndalojë furnizimin me gaz për Poloninë dhe Bullgarinë.
Në rastin e gazit, turbulencat në tregjet e energjisë tashmë kanë ndikuar në çmimet që paguajnë familjet për gazin, transmeton albinfo.ch. Furnizuesi “Energie 360°”, për shembull, (ish Erdgas Zürich), ka rritur çmimin për 84 për qind brenda gjashtë muajve, sipas gjendjes së 1 prillit, shkruan srf.ch.
Situata e tensionuar në tregje do të ndihet gjithashtu, e reflektuar në çmime të paqëndrueshme në të ardhmen e afërt, është shprehur zëdhënësi i kompanisë Michael Walser i pyetur nga agjencia e lajmeve AWP.
Çmimet e gazit përshtaten çdo muaj
Në situatën aktuale, çmimet e gazit tashmë nuk mund të fiksohen më për disa muaj. “Ne vazhdimisht po rivlerësojmë situatën dhe nëse është e nevojshme, do të bëjmë përshtatjen e çmimeve të gazit përkohësisht, në baza mujore”, përcjell albinfo.ch. Megjithatë, nga 1 maji, për fillim, nuk do të ketë rritje të mëtejshme.
Tarifat e energjisë elektrike për familjet në Zvicër sipas praktikës së deritashme vendosen vetëm një herë në vit, gjegjësisht, në fund të vitit. Në raundin tjetër të ndryshimit të tarifave, në vjeshtë, ministrja e Energjisë Simonetta Sommaruga thotë se do të shikojë saktësisht se sa po rriten çmimet e energjisë elektrike për privatët dhe çfarë masash nevojiten, të paktën për familjet me të ardhura të ulëta dhe për kompanitë e caktuara të vogla e të mesme.
Për shkak të rritjes së çmimeve të energjisë, Këshilli Federal tashmë ka ngritur një grup pune për të shqyrtuar nëse nevojiten masa për lehtësimin e rasteve të vështira. Por, për ndonjë kufi që Qeveria Federale do ta vinte mbi çmimet, nuk mund të diskutohet.
Të ngjashme
Të tjera nga Kriza në Ukrainë
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane