Kosova
Lumir Abdixhiku, Kujtim Shala, apo dikush tjetër, cili do të jetë kryetar i ri i LDK-së?
Tashmë kanë mbetur më pak së një javë kur Lidhja Demokratike e Kosovës pritet të bëhet me kryetar ri, pas dorëheqjes së Isa Mustafës muajin e kaluar për shkak të rezultatit të dobët në zgjedhjet e 14 shkurtit, ku LDK-ja u radhitë e treta me 12.64 për qind.
Por, kush mund të jetë kryetar i ri i LDK-së?
Ish-anëtarin e kësaj partie, akademikun Nexhat Daci, i preferuar është Lumir Abdixhiku për ta udhëhequr LDK-në.
“Unë po ju them që Lumiri është me prejardhje prej Tërnovcit, prej nga jam unë dhe me të thashë mjaft”, pohon Daci.
Përveç që e ka bashkëvendës, Daci konsideron që Abdixhiku ka edhe potencial.
“Potencial ka. Ishalla nuk i përsëritë gabimet e mija”.
Ndryshe nga Daci mendon njeri nga themeluesit e kësaj partie Ali Aliu, i cili i beson profilit të Kujtim Shalës për ta zënë ulësen e kreut të LDK-së.
“Për mua do të ishte një nga më të rëndësishmit të dal në krye të LDK-së. Besoj profilit të intelektualit, besoj përkushtimit të tij, besoj pastërtisë”, tha Aliu.
Ai ka treguar edhe se çka duhet të bëjë LDK-ja që të rikthehet pas rezultatit të dobët në zgjedhjet e fundit.
“Duhet të shkoqen nga bindja që u duhet atyre partia. I duhet Kosovës ajo parti. Pa e menduar kështu, nuk mund të bëhen punë të mira”, shtoi Aliu.
Ndërkohë, Kujtim Shala, një nga më të votuarit e partisë dhe kandidat i përfolur për kryetarin e ardhshëm të Lidhjes Demokratike të Kosovës, ka reaguar për herë të parë të premten, prejse janë mbajtur zgjedhjet e fundit në Kosovë, përmes një statusi në Facebook.
Ai ka shkruar se “LDK-ja do të hapë një faqe të re te veten dhe të Kosovës”, derisa ata që e kanë votuar LDK-në i falënderon dhe i quan “qëndrestarë”. “Besimi i përsëritur është nderi më i madh”, shkruan Shala, derisa për LDK-në thotë se “është partia e rrënjëve të Kosovës”.
Për më tepër, siç shkruan Shala në Facebook, “LDK-ja nuk është vetëm një alternativë politike, por shenja thelbësore e shtetit tonë”. Më 14 mars pritet të mbahet Kuvendit Zgjedhor i LDK-së, ku pritet të zgjidhet kryetari dhe kryesia e re.
Më 14 mars pritet të mbahet Kuvendi Zgjedhor i LDK-së, ku pritet të zgjidhet kryetari dhe kryesia e re.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Diskutohet institucionalizimi i mësimit plotësues të gjuhës shqipe në Konfederatën e Zvicrës
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
Jeta në Zvicër
-
Shtatë gjëra që shtetasit jo-BE duhet t’i dinë rreth zhvendosjes në Zvicër Zvicra ka rregulla strikte për të huajt që mund të jetojnë dhe të punojnë në vend...
-
Cyrihu, qyteti i tretë më pak tërheqës evropian, për të ardhurat nga qiraja e pronave
-
Zvicër: Lajmet kryesore të ditës së hënë
-
Çiklizmi në tren: Rezervimi i vendit nuk e zgjidh mungesën e hapësirës
-
Katër të vdekur në Alpet zvicerane gjatë fundjavës