Macron “sulmon” pesë milionë qytetarë të Francës që nuk janë vaksinuar

Keystone

Emmanuel Macron ‘sulmoi’ pesë milionë qytetarë të Francës që ende nuk janë vaksinuar kundër COVID-19, duke u zotuar se do t’i “inatoste ata”, si pjesë e strategjisë së qeverisë së tij për të përballuar përhapjen e virusit.

Komentet e presidentit francez në një intervistë për një gazetë erdhën ditën kur Franca raportoi një tjetër rekord ditor me më shumë se 271,000 infeksione me COVID-19, pasi varianti Omicron duket se po sjell një valë të pestë të virusit.

Macron tha për Le Parisien se kishte vendosur të vepronte kundër të pavaksinuarve, duke “kufizuar sa më shumë që të ishte e mundur aksesin e tyre në aktivitetin e jetës shoqërore”.

“Të pavaksinuarit, dua t’i bezdis. Dhe kështu do të vazhdojmë të bëjmë deri në fund. Kjo është strategjia”, tha kreu i shtetit.