Maqedonasi parkoi kamionin, befasisht dalin tre emigrantë dhe arratisen

Tre personat nga Bangladeshi kishin qëndruar në kamion prej disa ditësh dhe sipas disa të dhënave kërkonin të shkonin në Francë.

(KEYSTONE/Michael Buholzer)

Një shofer nga Maqedonia kur parkoi automjetin e tij në Weststeiermark u habit kur tre persona dolën nga aty dhe filluan të vrapojnë, shkruan kurier.at. Ngjarja ka ndodhur të enjten, kurse policia ka arritur ti gjejë më vonë ata në një qendër tregtare, përcjell albinfo.ch. Ata ishin 21, 23 dhe 28 vjeç dhe vinin nga Bangladeshi, ndërsa deri në Austri kishin ardhur duke kaluar ilegalisht kufirin nga Maqedonia në Serbi dhe më pas nga Sllovenia në Austri. Tre personat nga Bangladeshi kishin qëndruar në kamion prej disa ditësh dhe sipas disa të dhënave kërkonin të shkonin në Francë.

Duke mos pasur dokumenta, tre personat nga Bangladeshi janë dërguar te autoritetet e drejtësisë pranë Gracit.

40 vjeçari nga Maqedonia me kamionin e tij kërkonte të shkarkonte mallin për firmën e tij në Lannach.