Maqedonia
Maqedoni: Kërkohet zgjatje e afatit të pasaportave përmes miratimit të një ligji
Nga ana tjetër, "Marrëveshja e Prespës, e cila është marrëveshje ndërkombëtare dhe e cila është ratifikuar në përputhje me Kushtetutën, nuk mund të ndryshohet me ligj", thonë zyrtarë të shtetit
![](https://www.albinfo.ch/wp-content/uploads/files/PASAPORTA e MAQEDONISE.jpg)
Ndërkohë që vazhdojnë radhët dhe pritjet e gjata të qytetarëve për të aplikuar dhe për t’u pajisur me pasaporta të reja, VMRO-DPMNE-ja kërkon miratimin e ligjit për zgjatjen e afatit. Antonio Milloshoski i bën thirrje pushtetit ta vendosë sa më shpejt në rend dite propozimin e tyre për zgjatjen e afatit të pasaportave me emrin e ri të shtetit deri më 31 dhjetor të këtij viti, transmeton alsat, përcjell albinfo.ch.
“650 mijë qytetarë janë të mbyllur në vend pa të drejtë për të dalë jashtë shtetit me çka shkelet neni 27 i Kushtetutës, i cili garanton lëvizjen e lirë të qytetarëve jashtë vendit. Ajo që na është thënë nga Kuvendi është se propozim ligji i VMRO-DPMNE-së përkthehet akoma, por na habit se çfarë ka për t’u përkthyer kur ndryshohen vetëm datat”, deklaroi Antonio Milloshoski, VMRO-DPMNE.
Shumica parlamentare megjithatë vlerëson se afati për pasaportat nuk mund të zgjatet për shkak se bëhet fjalë për Marrëveshje ndërkombëtare.
“Këto detyrime për ne qytetarët dalin nga Marrëveshja e Prespës, e cila është marrëveshje ndërkombëtare dhe e cila është ratifikuar në përputhje me Kushtetutën dhe nuk mund të ndryshohet me ligj, sepse do të ishte në kundërshtim me nenin 118 të Kushtetutës. Ky është vetëm një hutim i qytetarëve se nëse miratohet ligji, do të vazhdojnë të vlejnë pasaportat, por kjo nuk është e vërtetë”, tha Daniella Markovska, LSDM.
Propozimi i VMRO-DPMNE-së për zgjatjen e afatit të pasaportave deri në fund të vitit erdhi në të njëjtën ditë kur deputetët miratuan zgjatjen e afatit të lejeve të vozitjes. Lejet e vozitjes që kanë afat, por që janë me emrin e vjetër të shtetit, do të jenë të vlefshme deri më 31 dhjetor të këtij viti.
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n