Maqedonia
Maqedonia do t’i kërkojë Brukselit që qytetarët të mos paguajnë tarifat për lëvizje të lirë
Autoritetet e Maqedonisë së Veriut do t’i kërkojnë Brukselit që qytetarët të mos paguajnë për tarifën e cila pritet të hyjë në fuqi me sistemin ETIAS, i cili parashikon që çdo qytetar duhet të regjistrohet në mënyrë elektronike përpara se të udhëtojë në vendet e zonës Shengen, si dhe në Islandë, Norvegji dhe Zvicër.
“Zëvendëskryeministri Mariçiq tashmë është në komunikim me kolegët e tij nga rajoni dhe ka disponim nga ana e tyre për këtë nismë. Bisedimet janë duke vazhduar dhe deri në maj pritet t’i dërgohet një mesazh i përbashkët Komisionit Evropian”, tha Sekretariati për Çështje Evropiane, transmeton alsat përcjell albinfo.ch.
Sistemi do të fillojë të funksionojë nga nëntori i këtij viti, ndërsa regjistrimi elektronik do të kushtojë shtatë euro dhe do të vlejë për çdo hyrje të radhës në vendet e specifikuara brenda një periudhe trevjeçare.
Megjithatë, Këshilli i Ambasadorëve shprehu shqetësim për vendimin e tillë të Komisionit Evropian, duke theksuar se nuk duhet të vendosen masa kufizuese, pasi vendi ka liberalizimin e plotë të vizave.
“Futja e autorizimeve digjitale të udhëtimit në zonën Shengen dhe pagesa e tarifës së hyrjes prej shtatë euro për person është një hap serioz prapa dhe ringritje e barrierave të reja dhe të panevojshme që do të prishin qarkullimin e lirë të njerëzve midis Bashkimit Evropian dhe vendet kandidate”, thonë nga Këshilli i Ambasadorëve.
Bashkimi Evropian ka theksuar më parë se ky formular nuk është vizë. Sipas Brukselit, sistemi do të rrisë sigurinë, por edhe do të përshpejtojë procedurën e hyrjes në pikat kufitare. Ideja për një sistem të tillë lindi që në vitin 2016, por prezantimi u zvarrit vazhdimisht.
Të tjera nga Maqedonia
E-Diaspora
-
Prokuroria kërkon 18 vjet burgim për autorin e vrasjes së Shqiponja Isufit Shqiptari 49-vjeçar nga Maqedonia, me shtetësi zvicerane, akuzohet se ka vrarë gruan e tij në shtator...
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
Jeta në Zvicër
-
Alain Berset kaloi një javë pune të frytshme në Shqipëri Berset paraqiti kandidaturën për postin e Sekretarit të Përgjithshëm të Këshillit të Europës, Zvicra e mbështet...
-
A mund të mbulohen së shpejti syzet dhe lentet e kontaktit nga sigurimi shëndetësor zviceran?
-
Po bëhet presion që Eurovizioni të organizohet në Gjenevë
-
Kompania kosovare që mobiloi resorte botërore
-
Rruga Gotthard Pass mbetet e mbyllur gjatë “Pentecost”