Mashtrimi me kriptovaluta që dëmtoi Thesarin e Francës

Tre të dyshuarit kryesorë janë arrestuar dhe disa të tjerë janë ndaluar për t’u marrë në pyetje

Autoritetet izraelite kanë arrestuar tre persona, si pjesë e një hetimi për një mashtrim në shkallë të gjerë të kriptove që dëmtoi Thesarin francez.

Administrata Tatimore e Izraelit dhe policia thanë në një deklaratë se ata kishin hetuar një numër të madh njerëzish të dyshuar për pastrim sistematik të parave në muajt e fundit, njofton Reuters.

Një pjesë e parave, siç thuhet, “vjen nga vepra penale të kryera jashtë vendit, duke përdorur monedha digjitale në platforma të ndryshme për të fshehur identitetin e pronarit dhe lëvizjen e parave”, transmeton Albinfo.ch.

“Hetimi u fokusua në një mashtrim në shkallë të gjerë kundër thesarit të shtetit francez që u krye nga Izraeli, si dhe vjedhjen e miliona eurove dhe pastrimin e fondeve duke konvertuar paratë konvencionale në kriptomonedhë”, thuhet në deklaratë.

Hetimi është kryer në bashkëpunim me Europol dhe policinë franceze. Tre të dyshuarit kryesorë janë arrestuar dhe disa të tjerë janë ndaluar për t’u marrë në pyetje, thuhet në deklaratë.

 

---