Mbërritën në Zvicër dozat e vonuara të vaksinës “Moderna”

Sipas BAG, kanë ardhur 280,800 doza që ishin raportuar si ende të paardhura të premten e kaluar

Dozat e vonuara të vaksinës nga prodhuesi “Moderna” kanë mbërritur në Zvicër dje, të mërkurën. Sipas BAG, kanë ardhur 280,800 doza që ishin raportuar si ende të paardhura të premten e kaluar.

BAG e ka konfirmuar këtë për agjencinë e lajmeve Keystone-SDA.

Qeveria federale dhe Zyra Federale e Shëndetit Publik janë kritikuar ashpër për menaxhimin jo të duhur të vaksinimit, transmeton albinfo.ch. Ndërsa, drejtoresha e BAG Anne Lévy u është kundërvënë kritikave, veçanërisht atyre të ardhura nga kantoni i Bernës.

Ajo i ka rezistuar argumentit që logjistika e vaksinimit do të ishte më mirë të lihej në duar private.

Pikërisht një kompani private është përgjegjëse për këtë problem të dërgesave, ka thënë ajo të shtunën pasdite në Radio SRF. Pra, problemi qëndron te prodhuesi.

---