Mbetet i pandryshuar orari i punës për shitoret e Lucernit

60'966 qytetarë të këtij kantoni votuan kundër ndërsa 50'873 votuan për ndryshimet e Ligjit mbi orarin e punës së dyqaneve në këtë kanton

Në kantonin e Lucernit, dyqanet duhet të  jenë mbyllur të shtunave nga ora 16. Votuesit kanë hedhur poshtë iniciativën për rishikimin e Ligjit për orarin e punës së shitoreve në këtë kanton.

Me këtë rezultat, shitësit, sindikatat dhe partitë e majta kanë arritur sukses në referendumin e së dielës. Refuzimi i iniciativës është argumentuar se zgjatja e orarit të punës nuk është në interes të personelit të dyqaneve derisa të ketë dyqane tjera të vogla.

Partitë e djathta ritheksuan kot nevojën për liberalizimin e tregut të shitoreve në këtë kanton.

Tashme gjendja ka ndryshuar, dhe qytetarët e Lucernit do t’i shpenzojnë paratë e tyre në kantonet fqinje, ku shitoret punojnë me orar të zgjatur.