AT Balkani

Mbi 100 mijë të vaksinuar në Maqedoninë Veriore

Sipas raporteve mjekësore, në Maqedoninë e Veriut deri më tani, me vaksinën anti-Covid-19 janë vaksinuar afërsisht 104 mijë qytetarë, nga të cilët rreth 24 mijë prej tyre tashmë kanë marrë edhe dozën e dytë të vaksinës kundër virusit korona. Këtë informacion e bëri të ditur ministri i Shëndetësisë, Venko Filipçe, përcjell albinfo.ch.

“Si do të vijnë vaksinat, do t’i shpërndajmë në të gjitha qytetetët që sa më shumë qytetarë të vaksinohen. Afërsisht 104 mijë qytetarë janë vaksinuar, nga të cilët rreth 24 mijë janë rivaksinuar. Mendoj se kemi dinamikë të mirë”, tha ministri i Shëndetësisë, Venko Filipçe.

Filipçe edhe një herë apeloi deri te gjithë qytetarët që të vaksinohen, pasi që vetëm nëpërmjet vaksinimit mund ta mposhtim pandeminë me Covid-19.


LAJME INTERESANTE NGA INTERNETI