Lajme

Mbi 1,8 milionë të shëruar nga COVID-19 në gjithë botën

Numri i të shëruarve nga koronavirusi në mbarë botën ka tejkaluar shifrën 1,8 milionë persona.

E diel, 17 Maj 2020 - 23:20 albinfo.ch

EPA/JAGADEESH NV

Sipas statistikave të fundit, është bërë e ditur se numri i të shëruarve nga koronavirusi në mbarë botën ka tejkaluar shifrën 1,8 milionë persona, transmeton albinfo.ch.

Sipas faqes së internetit “Worldometer”, që përpilon informacionet më të fundit mbi pandeminë, deri tani 1 802 271 persona kanë arritur të fitojnë betejën kundër koronavirusit.

Duhet theksuar se vendet me numrin më të lartë të të shëruarve janë SHBA-ja (336 964), Spanja (192 253), Gjermania (152 600), Italia (122 810), Turqia (108 137), Irani (93 147), Brazili (84 970), Kina (78 219), Rusia (63 136) dhe Franca (61 066). /Albinfo.ch.