Mbi 200 mijë euro u premtuan nga njerëzit e vullnetit të mirë

Nga mbrëmja e fundvitit për bamirësi janë  dhuruar mbi 200 mijë euro. Haziri tha se e bën krenar solidariteti i njerëzve të vullnetit të mirë për fëmijët me nevoja të veçanta

Kryetari i Gjilanit, Lutfi Haziri, në një konferencë për media për fund vit ka deklaruar se nga mbrëmja e fundvitit për bamirësi janë  dhuruar mbi 200 mijë euro, transmeton albinfo.ch.

Haziri tha se e bën krenar solidariteti i njerëzve të vullnetit të mirë për fëmijët me nevoja të veçanta.

“Prej tyre janë premtuar 146.618 euro, ndërsa franga zvicerane janë premtuar 44.960 euro. Përpos parave, është premtuar ndërtimi i tri shtëpive me çelësa në dorë, pastaj instalime elektrike, pajisje hidrosanitare, shërbime shëndetësore falas për këto kategori etj.

Pra, gala mbrëmja e 27 dhjetorit i ka tejkaluar parashikimet tona dhe i falënderoj të gjithë për besimin”, ka thënë Haziri, duke shtuar se llogaritë zyrtare bankare janë të hapura për ata që duan të kontribuojnë edhe në ditët e javët në vijim.