Lajme
Shteti mbyll ordinancën stomatologjike – pacientët duhet të testohen për AIDS
Zbulimet e bëra gjatë kontrollit sugjerojnë se dentisti ka përdorur në ordinancën e tij instrumente që nuk ishin sterilizuar më parë
![](https://www.albinfo.ch/wp-content/uploads/files/dentiste12-587x396.jpg)
Në një ordinancë dentare në Birr në kantonin Aargau, gjatë një kontrolli janë zbuluar mangësi serioze higjienike, transmeton albinfo.ch. Për këtë arsye pacientëve u rekomandohet të testohen për HIV (AIDS) dhe hepatit, njoftojnë autoritetet kantonale në një shkresë.
Zbulimet e bëra gjatë kontrollit sugjerojnë se dentisti ka përdorur në ordinancën e tij instrumente që nuk ishin sterilizuar më parë. Si rezultat, ekzistonte rreziku i shtuar i infeksionit për pacientët.
Sipas hetimeve të autoriteteve përgjegjëse, mangësitë kanë ekzistuar që nga marsi i vitit 2022. Për këtë arsye, Departamenti i Shëndetësisë dhe Çështjeve Sociale ka vendosur të informojë publikun në mënyrë aktive në përputhje me nenin 12, paragrafi 1 dhe nenin 52 të ligjit të shëndetësisë.
Mungesa e higjienës në ordinancën stomatologjike ka lindur për shkak të problemeve shëndetësore që kishte vetë dentisti 62 vjeçar, përcjell albinfo.ch. Ai ka pranuar, në bisedë me media të ndryshme të Zvicrës se prej më shumë se një viti ndodhej në një fazë “burnouti” dhe ndihej i pafuqishëm për të punuar më tej. Ndërkohë ordinanca është mbyllur në marrëveshje me stomatologun.
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n