Më pak lindje në Evropë për shkak të krizës

Kriza ekonomike në Evropë ka reduktuar në minimum lindshmërinë në kontinent

Në këtë përfundim vjen Institutit për studime demografike „Max Planck“ në Gjermani.

Në raportin e publikuar ditën e mërkurë, zbulohet një lidhje direkte midis rënies së lindshmërisë në 28 vendet anëtare dhe rritjes së papunësisë.

Lindshmëria në grupmoshën nën 25 vjeç është ajo që ka përjetuar rënien më të ndjeshme, ndërsa janë pikërisht të rinjtë shtresa më e dëmtuar nga papunësia evropiane.

Lidhja e plotë midis ekonomisë dhe lindjeve është debatuar prej kohësh, por përfundimet mbeten kontradiktore.

Megjithatë, sipas udhëheqësve të raportit, është e qartë që derisa financat shtrëngohen, shtetasit evropianë mendohen më gjatë përpara se të nisin familje apo të bëjnë fëmijë të tjerë.