Tematike
Më shumë ndihmë për prindërit e punësuar
Këshilli Federal (KF) do të ndihmojë financiarisht prindërit që punojnë në administratën federale për kujdesin e fëmijëve të tyre gjatë orarit të punës. Prandaj dje u miratua projekti i ri nëpërmjet rishikimit të urdhëresës në lidhje me personelin e Konfederatës.
Portali ch.ch shpjegon arsyen e këtij miratimi, duke theksuar se në të ardhmen stafi në dispozicion në tregun e punës do të pësojë ulje. Kjo ulje sjell një konkurrencë të re në mesin e punëdhënësve sa i përket rekrutimit apo mbajtjes së të punësuarve të kualifikuar. Ndryshimi demografik bën që KF të ndërmarrë masa të tilla për të bërë ofertën e punës më atraktive.
Zv.drejtuesi i Zyrës Federale të Personelit, z. Schmütz, theksoi për albinfo.ch se ky miratim prek afër 17% të prindërve të punësuar në nivelin federal.
A mendoni se kantonet do t’ju pasojnë, duke miratuar projekte të tilla?
Nuk jam në dije nëse kantonet do të pasojnë rrugën e hapur nga KF, por mendoj se kjo ndihmë është më e domosdoshme për banorët e qyteteve të mëdha.
A ka të bëjë me politikat në favor të barazisë së çiftit?
Ky miratim do të mundësojë konsolidimin e karrierës së gruas, sepse dihet ende se në shumicën e rasteve, nëna vendos të përkujdeset për fëmijët, kurse babai të punojë.
Cila është ndihma për bashkëpunëtorët e administratës federale?
Pjesëmarrja financiare për kujdes të fëmijëve të punonjësve gjatë orarit të punës mund të shkojë nga 50 deri në 100 % të shpenzimeve. Niveli i ndihmës do të bëhet në varësi nga të ardhurat familjare. Për shembull, një personi me një rrogë mujore prej 4500 frangave zvicerane do t’i mbulohen 100% e shpenzimeve për përkujdesje të fëmijëve. Me këtë mbështetje KF synon t’ua lehtësojë përditshmërinë e jetës familjare dhe profesionale punonjësve në fjalë.
Flitet po ashtu për një fenomen të ardhshëm, i cili parasheh një zbritje të ofertës së personelit të kualifikuar?
KF ka gjithashtu për qëllim të inkurajojë prindërit që të vazhdojnë punën e tyre, në veçanti ata që kanë kualifikime të larta. KF ka pranuar faktin se cilësia e punës nuk mund të ndahet nga cilësia e jetës familjare, prandaj, përfundoi Z. Schmütz, projekte të tilla do të zhvillohen gjithnjë e më tepër.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?