Megjithëse humbi, kjo ishte ndeshja më e mirë e Kosovës deri tani

Trajneri dhe futbollistët e Kosovës janë shprehur se ndeshja ndaj Islandës ishte më e mira deri më tani dhe premtojnë lojëra edhe më të mira në të ardhmen

Keystone

Kosova pësoi humbje nga Islanda 2:1, por tregoi një lojë të mirë dhe ka mundur të marrë së paku një pikë, shkruan albinfo.ch.

Trajneri i Kosovës ka thënë se kjo ishte ndeshja më e mirë deri më tani. “Kjo ishte ndeshja jonë më e mirë deri më tani. Nuk është se kemi pasur shumë raste si në lojërat e tjera, në këtë lojë patëm edhe një dimension të lojës fizike”, ka thënë Bunjaki pas ndeshjes.

Njëri ndër lojtarët më të mirë në fushë ishte Valon Berisha. “Kemi luftuar deri në fund dhe kemi treguar karakter. Ishte një prej lojërave më të mira deri më tani”, është shprehur Berisha.

Në këtë ndeshje debutoi Besart Berisha. “Jam i lumtur që kam luajtur për Kosovën. Ishim pa fat. Unë besoj se jemi paraqitur mirë, kemi qenë të organizuar, por na mungoi disiplina. Ato gola nuk është dashur t’i pësojmë aq shpejt, ne duhet të përmirësohemi në çdo ndeshje”, ka theksuar Berisha.