Kosova
Mërgata organizon debat në Prishtinë, injorohet nga institucionet dhe partitë
Në Kuvendin e Kosovës sot u mblodhën përfaqësues të mërgatës nën drejtimin e Shoqatës kulturore integrative “Identitet”
Ndonëse tema ishte ‘Mërgata, Kosova dhe Dialogu’, përfaqësues të mërgatës së Kosovës kërkuan nga deputetët e institucionet e Kosovës krijimin e një platforme bashkëpunuese në shumë sektorë. Ata nuk u kursyen as nga kritikat.
“Ne kemi edhe disa kërkesa që do t’u drejtohemi institucioneve, që fatkeqësisht nuk janë këtu me ne. Regjistrimi i mërgatës jo vetëm në numër, por edhe strukturë, mbështetja në ruajtjen e gjuhës dhe kulturës sonë, mbështetja për mësimin plotësues në gjuhën shqipe, heqja e barrierave dhe krijimi i mundësive për investime në Kosovë të investitorëve të mërgatës”, tha Lulzim Veliu, kryetar i shoqatës “Identiteti”.
Në anën tjetër, mërgata nga Austria u përfaqësua nga Bahri Troja. Ai u fokusua në rolin që luan mërgata në fushën e diplomacisë.
“Në Austri kemi diku rreth 50 shqiptarë që janë të angazhuar në nivelin lokal në politikë. Në këtë mënyrë, ne duhet të bëjmë një koncept, strategji se si mund të bëjmë një bashkëpunim të përvojave në Austri, por edhe të ndihmojmë komunitetin. Por, edhe një bashkëpunim të mirëfilltë me shtetet tona amë. Nga institucionet tona shpesh herë kam qenë i befasuar se kur vijnë në vizitë në Austri nuk takohen këshilltarë të qytetetit që janë 50, por shkojnë takohem me njerëz që vetëm ai flet gjermanisht e jo shqip. Nuk kishte qemë më mirë sesa të shkohet te një komunë kur një shqiptar, këshilltar bashiak, i pret ata me kryetarin e komunës”, tha Troja.
Në këtë tryezë u fol edhe për mësimin plotësues të gjuhës shqipe.
“Në republikat e tjera në Gjermani mësimi i gjuhës amtare, apo të prejardhjes, si quhet atje, është i integruar në sistemin edukativ të republikave përkatëse. Unë personalisht jep mësim në shkolla, ku kemi kërkesa të mëdha të mësimin plotësues nga prindërit”, tha Muhamet Idrizi nga Gjermania.
Derisa drejtues të mërgatës shprehën kërkesat e tyre, ata u injoruan nga zyrtarë institucionalë, ndaj mungesës së cilëve në këtë tryezë shfaqën edhe indinjatë.
“Ne nuk harrojmë, pastaj kur të vijnë zgjedhjet, në të njëjtën mënyrë ne do t’i presim në diasporë”, tha Veliu, organizator i këtij debati.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Komiteti parlamentar zviceran mbështet planin e ndihmës për Ukrainën Një komitet parlamentar zviceran ka votuar për të mbështetur një kontribut ndihme prej 5 miliardë CHF...
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane