Mërgimtari nga Zvicra paguan biletën afro 400 euro për të ardhur në Kosovë për të votuar

EPA/VALDRIN XHEMAJ

Një mërgimtar nga Kamenica që jeton në Zvicër nuk ka shfrytëzuar mundësinë e votimit përmes postës, për zgjedhjet lokale që po mbahen sot në Kosovë, pasi thotë se “vota e tyre po zhduket”.

Prandaj ai ka vendosur të udhëtojë për Kosovë, por që kjo i ka kushtuar më shumë se sa të votonte me postë, duke paguar kështu afro 400 euro.

“Përmes postës po na humbin votat, edhe po kushton. Me postë kemi pagu 80- 100 frang, e kemi vërejtur që ajo votë po zhduket. Kështu që e kom vendos që me pagu ma shtrenjtë edhe me ardhë me jep votën. Biletën e kom pagu 420 frang (afër 400 euro)”, ka thënë ai për mediat kosovare.