Merkel dhe Macron, në përpjekje për zgjidhjen e krizës me emigrantët

Përpjekjet diplomatike për të zbutur krizën në kufirin polako-bjellorus u intensifikuan pasi kancelarja gjermane, Angela Merkel dhe presidenti francez, Emmanuel Macron, po ndihmojnë në zgjidhjen e bllokimit që ka lënë të bllokuar mijëra migrantë.

Merkel zhvilloi një bisedë të rrallë telefonike me liderin autoritar bjellorus, Alexander Lukashenko, që zgjati rreth 50 minuta, sipas televizionit shtetëror bjellorus, duke thënë se qëllimi i tyre ishte të përmirësonin situatën dhe mbështetjen humanitare për migrantët, transmeton Dpa, përcjell Albinfo.ch.

Ndërkohë Macron pati një bisedë të gjatë telefonike me presidentin rus, Vladimir Putin, i cili është mbështetësi kryesor politik i Lukashenkos.

”Të dy folën për rolin që Rusia mund të luajë në zbutjen e konfliktit që filloi të rritej këtë verë si dhe për gjendjen e vështirë të migrantëve”, deklaruan burime pranë Elysee.

Sipas Kremlinit, Putin theksoi se ”krerët e shteteve të BE-së duhet ta diskutojnë problemin drejtpërdrejt me Lukashenkon” dhe se ”Rusia mund të luajë vetëm rolin ndërmjetës”.