Migjen Basha kalon në ekipin australian (VIDEO)

Klubi përmes një video prezanton nënshkrimin e kontratës me Bashën

Migjen Basha më në fund ka vendosur për të ardhmen e tij. Pas largimit nga Arisi në Greqi, mediat e lidhnin me një kalim të mundshëm tek Tirana, por ish-mesfushori i Kombëtares kishte ofertë edhe nga Australia, nga klubi i Melburn Viktori.

Dhe ditën e sotme janë pikërisht australianët që kanë zyrtarizuar Bashën. Nëpërmjet një postimi në rrjetet sociale, klubi australian prezanton nënshkrimin e kontratës me Bashën për dy vjet, përcjell albinfo.ch.

Trajneri i ekipit, Marko Kurz, u shpreh mjaft i kënaqur që një lojtar me eksperiencë i bashkohet grupit të tij. “Jam i lumtur që na shtohet edhe një lojtar me eksperiencë ndërkombëtare. Duke parë që ka luajtur në nivele të larta, besoj se do jetë një lider në grup”, deklaroi trajneri i Melburnit.

Më tej, në faqen zyrtare në “Facebook”, klubi australian ka publikuar edhe disa nga golat e Bashës në karrierë, tek Bari, Torino apo edhe me fanellën e Shqipërisë.

https://www.facebook.com/gomvfc/videos/677961899280064/

---