Shqiperia
Basha zbardh kërkesën e amerikanëve për Berishën: Reeker më kërkoi largimin e tij
Basha ka sqaruar para grupit parlamentar demokrat vendimmarrjen për përjashtimin e Sali Berishës nga partia
Në mbledhjen e sotme, kryetari i Partisë Demokratike, Lulzim Basha, ka sqaruar para grupit parlamentar demokrat vendimmarrjen për përjashtimin e Sali Berishës nga partia. Burime nga selia blu bëjnë me dije se kryedemokrati është shprehur se ky vendim është marrë në të mirë të partisë, për të mos përçarë demokratët.
Para anëtarëve të grupit, Basha ka zbardhur edhe kërkesat që i janë drejtuar nga diplomatë të lartë amerikanë kohë më parë, duke deklaruar se kur ka ardhur në seli Zëvendësndihmëssekretari i Shtetit për Europën dhe Azinë, Philip Reeker, i ka kërkuar të përjashtojë Sali Berishën dhe nuk pranonte asnjë negociatë.
Sipas Bashës, ky vendim personal i tij për një nga figurat kryesore të kësaj partie është vendimi më i duhur për doktor Berishën dhe familjen e tij. Kreu i PD-së gjithashtu ka deklaruar se për çështjen Berisha ka edhe shumë detaje të tjera, me të cilat ai është njohur nga amerikanët, por që nuk kishte ndërmend t’i bënte publike.
Vendimi i Bashës shkaktoi debate në mbledhjen e parë të grupit të Partisë Demokratike, ku deputetet Flamur Noka, Tritan Shehu, Bujar Leskaj, Oerd Bylykbashi dhe Edi Paloka dolën kundër vendimit të kryedemokratit dhe disa prej tyre ditën e sotme e priten dhe shoqëruan gjatë hyrjes në Parlament.
Të ngjashme
Të tjera nga Shqiperia
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse