Tematike
Ministri Cassis thotë se Këshilli i Evropës përfaqëson “Evropën e vlerave”
Këshilli i Evropës ka qenë instrumenti i parë për krijimin e një “Evrope të vlerave”, ka thënë Ignazio Cassis në fjalën e tij të mbajtur në takimin ministror në Helsinki
Falë Këshillit të Evropës, shtetet evropiane kanë mundur të zhvillohen në një “Evropë të vlerave”, ka deklaruar ministri i jashtëm i Zvicrës, Ignazio Cassis në fjalën e tij të mbajtur në takimin e ministrave në Helsinki, të zhvilluar të premten, më 17 maj 2019, thuhet në një komunikatë të Ministrisë së Punëve të Jashtme (EDA).
Ai gjithashtu ka paraqitur këtu instrumentin e ratifikimit nga Zvicra të “Konventës së Magglingen-it”, e cila synon të arrijë më shumë korrektësi në sport, përmes masave të mbrojtjes, hetimeve dhe ndëshkimit të manipulimeve të lojërave.
Në margjina të sesionit të 129-të të komitetit të ministrave, drejtuesi i Ministrisë së Jashtme të Zvicrës ka takuar kryetarin aktual të Asamblesë Parlamentare të Këshillit të Evropës, zonjën Liliane Maury Pasquier, e cila njëherësh është edhe deputete në Dhomën e Kantoneve të Parlamentit të Zvicrës. Po ashtu Cassis ka zhvilluar bisedime bilaterale me ministrat e jahstëm të Belgjikës, Sllovenisë dhe Maltës.
Para 100 vitesh, pak pas përfundimit të Luftës së Parë Botërore ishte themeluar Lidhja e Kombeve ndërsa para 70 vitesh, pas Luftës së Dytë Botërore, Këshilli i Evropës. Përmes tij ishte bërë e mundur që çështjet e hapura në kontinent të zgjidhen me bashkëpunim në vend se me dhunë.
Këshilli i Evropës ka qenë instrumenti i parë për krijimin e një “Evrope të vlerave”, ka thënë Ignazio Cassis në fjalën e tij të mbajtur në takimin ministror në Helsinki. Sipas tij, konventat e Këshillit të Evropës kanë krijuar një hapësirë të përbashkët ligjore dhe demokratike.
Zvicra i atribuon punës së kësaj organizate një rëndësi po aq të madhe sa dhe vlerave të cilat Këshilli i Evropës i promovon si: respektimi i shtetit juridik dhe demokracisë ashtu si dhe mbrojtja e lirive themelore. “Po këto vlera përbëjnë thelbin e Kushtetutës Federale të Zvicrës”, ka nënvizuar ministri zviceran i punëve të jashtme, Ignazio Cassis.
Këshilli i Evropës me seli në Strassburg është themeluar në vitn 1949 dhe numëron 47 shtete anëtare. Zvicra bën pjesë në këtë organizatë që nga viti 1963.
Të ngjashme
Të tjera nga Tematike
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën