Ministri italian reagon pasi një burrë shqiptar vrau gruan në sy të fëmijës

Një ngjarje e rëndë ka tronditur Italinë, ku një shqiptar ka vrarë me thikë gruan e tij, raportojnë mediat shqiptare.

Ngjarja kishte ndodhur në Itali, ku Dritan Sulollari masakroi me thikë bashkëshorten e tij, Migena Këllezi, në sy të fëmijës, përcjell albinfo.ch.

Mediat italiane shkruajnë se menjëherë pas ngjarjes së rëndë, autori ka telefonuar policinë duke i thënë se ka vrarë gruan. Mësohet se shqiptari prej disa muajsh ishte pa punë dhe ishte gruaja e tij që kujdesej për sigurimin e jetesës së tij dhe fëmijës vetëm 8 vjeç të tyre.

Lidhur me këtë vrasje, ka reaguar ashpër ministri i Brendshëm i Italisë, Marco Minniti. “Sot në Gradisca d’Isonzo një burrë vrau me thikë gruan në sy të fëmijës 8-vjeçar. Jemi përballë një fenomeni veçanërisht shqetësues dhe të papranueshëm. Nga akte të tillë dhune është në lojë civilizimi i vendit.  Nuk duhet ta ulim kurrë vigjilencën për të reaguar”, deklaroi ai.