Shqipëria

Modelja e njohur shqiptare fillon një iniciativë kundër dhunës dhe abuzimeve

“Jemi të entuziazmuar të njoftojmë sot që kemi filluar një platformë të re të fokusuar posaçërisht në këtë çështje”, shkruan Emina Çunmulaj

Në Shqipëri së fundi janë mbajtur protesta në sheshin e Tiranës, kundër dhunës dhe abuzimeve ndaj fëmijëve, por edhe gruas në punë.

Për këtë qëllim, Fondacioni “Fundjavë Ndryshe” me zëvendëspresidenten Emina Çunmulaj po krijon një paltformë të veçantë për gratë viktima të dhunës dhe fëmijë viktima të abuzimit seksual.

“Në kontekstin e ngjarjeve të fundit, statistikave zyrtare dhe numrit të lartë të raportimeve të dhunës dhe abuzimeve që marrim gjatë procesit tonë të punës, duket se ky fenomen vazhdon të rritet me ritme të shpejta, ndaj dhe Fundjavë Ndryshe ka marrë përsipër krijimin e një mekanizmi për mbrojtjen, sigurinë dhe integrimin e viktimave të dhunës në familje dhe abuzimit seksual. Jemi të entuziazmuar të njoftojmë sot që kemi filluar një platformë të re të fokusuar posaçërisht në këtë çështje”, shkruan modelja e njohur në rrjetet sociale, përcjell albinfo.ch.

Ky program do të drejtohet nga Emina Çunmulaj si zëvendëspresidente, e cila ka punuar ngushtë me fondacionin për tre vite radhazi.

“Kjo platformë e re do të na ndihmojë jo vetëm të rritim ndërgjegjësimin, por edhe të mbledhim fonde që janë shumë të nevojshme për të garantuar sigurinë, shëndetin mendor dhe ekonomik të viktimave të abuzuara. Krahas Arbër Hajdarit dhe një ekipi të ri të profesionistëve shëndetësorë dhe juridikë, ne do të luftojmë për të sjellë drejtësi dhe stabilitet për viktimat e dhunës”, shkruan Emina ndër të tjerash.

https://www.instagram.com/tv/CBGV0-ln9mB/?utm_source=ig_embed


LAJME INTERESANTE NGA INTERNETI